Skátafélagið Mosverjar

Aðalfundur Mosverja 2026

Aðalfundur Mosverja verður haldinn miðvikudaginn 25. febrúar kl. 20:00 í skátaheimili Mosverja, Álafossvegi 18. Fundurinn fer fram samkvæmt lögum félagsins.

Dagskrá aðalfundar:
1. Fundarsetning
2. Kosning fundarstjóra og fundarritara.
3. Skýrsla stjórnar lögð fram til umræðu
4. Ársreikningar lagðir fram til umræðu og afgreiðslu
5. Starfsáætlun lögð fram til umræðu og afgreiðslu.
6. Fjárhagsáætlun lögð fram til umræðu og afgreiðslu
7. Lagabreytingar: engar lagabreytingartillögur hafa borist
8. Kosningar samkvæmt grein 4 í lögum þessum
Að þessu sinni þarf að kjósa um eftirfarandi sæti í stjórn Mosverja:Félagsforingja til eins árs
Sitjandi félagsforingi býður sig fram til áframhaldandi setu.
Þrjú sæti í stjórn til tveggja ára
Tveir stjórnarmenn bjóða sig fram til áframhaldandi setu en einn ekki.
Framboð hafa komið fram í þau sæti frá starfandi skátaforingjum í félaginu. Þó má bjóða sig fram á móti í öll þau sæti sem kosið er um. Áhugasömum er bent á að senda framboðstilkynningu á stjorn@mosverjar.is.
9. Önnur mál
10. Fundarslit

Rétt til fundarsetu hafa:
MEÐ ATKVÆÐISRÉTT: allir fullgildir félagar 16 ára og eldri, og auk þess forráðamenn fullgildra félaga sem eru 15 ára eða yngri. Þó er aðeins eitt atkvæði fyrir hvern skáta.
MEÐ MÁLFRELSI OG TILLÖGURÉTT: styrktarfélagar, fulltrúi stjórnar BÍS og þeir er stjórn býður sérstaklega á fundinn, eða fundurinn ákveður. Að öðru leyti vísast til laga BÍS og skátasambands um rétt til fundarsetu.

LÖG SKÁTAFÉLAGSINS MOSVERJA ︎︎︎
ÁRSSKÝRSLA MOSVERJA 2024-2025 ︎︎︎